Sali Berisha ka përshëndetur sërish nga dritarja simpatizantët e tij, të cilët janë grumbulluar poshtë banesës.
Edhe pse GJKKO i caktoi masën e sigurisë: “arrest në shtëpi” dhe i ndaloi komunikimit, Berisha përmes një mikrofoni që varet nga dritarja ka përshëndetur qytetarët që ishin grumbulluar për t’i ofruar mbështetje.
“Për Edi Ramën, Kushtetuta e vendit nuk ekziston. Nuk ka prokuror që mund të mohojë lirinë e shprehjes. Kjo betejë ka për qëllim rikthimin pluralizmit. Rama është vërsulur ndaj çdo demokrati me urrejtje”, u shpreh Berisha nga dritarja.
