Për pretendimet e babait të Naim Murselit se djali i tij është rrahur brenda burgut nga zyrtarë policorë, ka folur drejtori i Policisë së Kosovës, Gazmend Hoxha, transmeton gazeta “Kosova Sot Online”.
Hoxha ka thënë se është e ndaluar që zyrtarët policorë të marrin informacione përmes përdorimit të forcës dhe thotë se kushdo që ka pretendime të tilla mund t’i drejtohet Policisë dhe IPK-së.
Drejtori i Policisë ka thënë se nuk beson që policët e Kosovës kanë shkuar në një nivel të tillë, duke qenë se ka dëshmi të mjaftueshme dhe rasti është kompletuar në tërësinë e tij.
