Shitja e njohurive profesionale në tregun global, ka pasur një rritje të befasishme gjatë vitit të fundit, kur shumica e profesionistëve shqiptarë kanë gjetur si mundësi jetese punën online për kompani, firma apo individë jashtë vendit.
Madje shumë prej tyre, me plot gojën mund të themi se janë bërë milionerë. Profesionistët shqiptarë ofrojnë punë kundrejt një pagese që shkon nga 10 dollarë deri në 80 dollarë ora sipas shkallës së vështirësisë së punës.
Por për disa shërbime si, arkitektura dhe përkthimi, profesionistët shqiptarë kërkojnë pagesa shumë më të ulëta se kolegët e tyre në rajon dhe në Europë.
Në një lidhje skype për “Wake Up”, ekspert IT Agli Panci bëri të ditur se pagesat janë shumë të mira, madje shkojnë deri në 200 mijë dollarë në vit.
