Në vitet e fundit Gjermania është kthyer në një nga vendet më të preferuara nga emigrantët për të punuar dhe jetuar. Shumë shqiptar nisen çdo vit drejt Gjermanisë për një jetë më të mirë dhe merren me punë të ndryshme. Por, disa profesione janë më të paguara dhe kanë më shumë vende vakante.

Sipas faqes së ‘Paylab’ infermierët, shoferët, mjekët specialistë, punëtorët e ndërtimit, personat përgjegjës për kujdesin ndaj fëmijëve, këto profesione ishin më të kërkuarat në Gjermani vitin e kaluar.

Infermierët dhe teknikët në Gjermani fitojnë nga 1500 deri në 4300 euro bruto, por pavarësisht kësaj vendi vazhdon të ketë mungesa të këtyre shërbimeve. Sakaq, bëhet me dije se mjekët specialistë janë të radhës në listën e profesioneve deficitare në Gjermani. Një mjek që jeton vetëm në Gjermani fiton mesatarisht 4500 euro në muaj.

Ndërkohë, shoferët e autobusëve në Gjermani mund të fitojnë nga 1500 deri në 2600 euro në muaj. Ndërsa, punëtorët e ndërtimit në Gjermani fitojnë nga 1200 deri në 3000 euro në muaj, pasi të jenë zbritur taksat dhe kontributet.

Sipas të dhënave të ardhurat mujore të një dadoje në Gjermani variojnë nga 1130 deri në 2500 euro